Besch offe, sympathisch ond d balance zwöschem ne guete WG ässe ond Röckzugsmöglichkeit esch der wechtig?Denn besch du die perfekti Ergänzig in üsere 5er WG bim Schlossbärg! Grad näb de WG heds Ichoufsmöglichkeite met Coop ond Migros, e Leergutstation ond vorem Huus esch en Bushaltestell. Ganz i de nöchi esch s Bourbaki-Kino ond a Bahnhof hesch z Fuess 13min.S öppe 12.55qm grosse Zemmer hed en chleiderschrank im gang wo dezueghört. Es liid rechtig sunneufgang ond esch ed rechtig stross.

Üsi WG hed 2i grossi Bäder, en eigeni Wöschmaschine, Chochi, Ässbereich ond Stube met Färnseh. Es 2i wöchigs WG ässe wo mer för alli choched esch zum philosophiere ond offeni Pünkt bespräche omme.

D WG bestoht us de:
Flu 24gi, hed noch ehrem Studium ben ere Softwarefirma ahgfange schaffe. Näbedrah macht sie Freiwilligearbet bem Rote Chrüz ond gohd gärn go Bouldere.D Nuria 25gi, schaffet als Psychologin ond esch i de Freizit gern dosse oder es Buech am läse. De Gabriel 26gi schaffet als Kletterlehrer ond esch vo dem her viel verrosse ond am Fels.Debora 22gi, het de Summer ihres Studium ah de HSLU ahgfange und buecht nebebii bime Reisebüro Flüüg für anderi aber het selber kei Budget zum gah. Fang doch dini Vorstellig vo der met dim Lieblingsdrink ah!🍻
Mer wörded en Maa för d Usgwogeheit vo üsere WG bevorzuge.