Heyy duu, mir si der Joshua (20) u d Noémie (19) u mir zieh per 1. November zeme ine WG. We du auso lust hesch freue mir üs we du zeme mit üs i di Wohnig ziehsch u die WG hiufsch gründe. Mir hei no es Zimmer frei:)

D Wohnig isch sehr zentral im Hollige Quartier. I 8min bisch mitem Bös bim Bahnhof u i 10min ds Fuess bim Europaplatz. Ou mit Ichoufe bisch guet erschlosse. D Wohnig isch mega herzig u gmüetlich. Es wird e Bereich ha wome gäbig am Abe cha zemehöckle u Ploudere. Es het e grosse Ussebereich wosech d Parteie teile u mir hei derzue no e Baukon. Dis Zimmer wär eher chli (10m2) aber es het e chliine Ibouschrank dinne.

Paar Sache zu üs: Mir kenne üs vor Bruefsschueu weu mer zeme ds KV gmacht hei. Joshua intressiert sech sehr fer Mode und duet nebebii no Grätturne. D Noémie intressiert sech sehr fer Politik und liebt Gsellschaftsspieli und Barhopping. Mir beidi liebes am Abe eifach mau eis ga ds trinke, üs chli lah i Abe ds tribe u ds talke. Im Summer näme mer gern mau e Aareschwumm! Mir si beides gsellegi Mönsche, wär auso u cool wemer zämä mau ame Abe koche, es Spieli spiele u über Gott u d Wäut rede. Es söu ke Zwecks-WG si. Mir esse beidi vergetarisch, wer cool wenn du ds ou würdisch aber natürlich kein "muss" :)

Di ganze Föteli u so si haut iz aues no vor leere Wohnig, weumer no nid izoge si, das änderet sech aber baud. Es wird no bizzli öppis ah zuesätzliche Näbeköste uf üs zue cho. Auso vermuetlich wirsch zu dene 600.- no bizzi öppis müesse drufzahle. Luege mer aber de wemer wüsse wie viu das isch. Unkompliziert;)

Wede ds Gfühl hesch dasde zu üs i üsi WG würdisch passe, de meud di doch u verzeu öppis über di! Was machschs so ir Freizeit? Wer bisch du? De chöimer mau öppis gah trinke u üs chli kennelehre :) (d Wohnig chöimer der leider im Moment no nid zeige weumer no nid drinne wohne hahah)

Mir freue üs uf di!
Joshi u Noémie <3