Hey Leute, das isch eis vo 4 Zimmer us dere WG inere 5.5 Zimmer Wohnig wo für de 1. Juli frei wird. Also eh 4er WG mit dir! Logisch sind ja 4 Zimmer oder..

Also zersch mal, das Zimmer wird erst abem Juli frei.. vorher de Platz becho isch schwer bis unmöglich. S Zimmer erst chli speter überneh wer theoretisch möglich, isch den aber mit chli Ufwänd verbunde, aber was macht mer nöd alles für de Perfekti WG Partner oder.
Wens passt findet mer da also sicher eh Lösig.

Guet wer wen bi dinere Ahfrag chli epis vo dir verzehlsch, muss nöd viel sie, hauptsach es sind cooli sache.
(Cooli Lüt werded generell bevorzugt)

Zu eus, das du weisch uf wer du dich ihlasch
Die eigentlich 4er WG bestaht den im Juli us 3 Lüt.

1\. Yanick 26 (Ich de wo das Inserat schribt) spielt gern Fuessball, gaht is Gym, macht generell viel Sport, luegt gern Film und gaht mit Kollege use.
Schribt susch eich gern gueti Text aber eifach grad ez nöd.

2\. Cecilia. 23 glaub? bin mer nöd sicher. Kenne sie privat scho bevor mir da zemme zoge sind. Sie macht kei Sport, und luegt nur Serie wie Friends und Sex Life.
Was mer no sege chan isch das sie politisch sehr links isch. Was mir zwar egal isch aber viellicht isches ja für dich wichtig. und sie isch Bernerin und sehr Stolz druf.

3\. Ylva. 21? sie isch neu und zieht erst ih paar täg ih darum chani leider nöd viel zu ihrere Person sege, aber sie isch super sympatisch. Ich wird ihri Beschriebig da im Inserat erwiitere sobald ich meh weiss. (Ich wirds sicher nöd erwiitere will ichs vergesse wird)

Mir sind beidi recht unkompliziert, Hend au ab und zueh en gmeinsame WG Abig wens Ziit erlaubt.
d Lag vode WG isch imene ruhige Ussequartier vode Stadt, defür hetmer aber au is Zentrum chli länger was für einigi scho en Grund gsi isch zum nöd ih die WG cho.

Bushaltestell direkt nebet em Huus heisst ''Schlossacker'' und de Bahnhof Oberwinterthur isch ca 8 minute zfuess. (Hans aber au scho ih 5 gschafft) Chasch dich ja vorab informiere wie dini Verbindige vo da us sind.

Wend no wiiteri Frage hesch chasch dich gern melde