WG-Zimmer im Niederdörfli

Für eusi wunderschöni 5.5-Zimmer-Wohnig suechemer ab 01.06.2024 (idealerwis und bevorzugt aber scho ab Mitti Mai) en oder e neui Mitbewohner:in. Eus isches wichtig, en guete Match zfinde, wo sich sWG-Lebe ähnlich vorstellt wie mir…

Mir würed eus sehr über e chlini Message vo dir freue, wo du eus verzellsch, wer du bisch, wie du dir sWG-Lebe vorstellsch und viellicht no en chline fun fact oder öpis Lässigs, wo du fürs Zemelebe mitbringsch. Gern chasch eus au dis Instaprofil oder es Paar Fotis mitschicke.

Mir freued eus uf dini Bewerbig und und ladet dich denn gern uf en Kafi/Tee/Bier/Wii zu eus ih :)

Mir bütet dir:

\- Es grosses, ruhiges Zimmer gege de Hinterhof (15.5m2)
\- En grosse gemeinsame Wohnrum mit viel Platz für (Film)Obig oder anderi fun little activities
\- E sehr cooli zentrali Lag, zmitzt im Niederdörfli
\- Es het WLan, e Wäschkuchi, Keller, Platz für Velos, en Hinterhof, e generell schön igrichteti Wohnig und e gemeinschaftlichi Dachterasse
\- Mir hend en Beamer und ganz viel Pflanze
\- Ebefalls bütemer ide Lernphase gemeinsami crying-sessions ah

Über eus:
Tatjana (21) macht Ehrerundi im Psychologiestudium und das isch au grad alles. Sobald de Summer losgaht, chunnt au wieder ihri Persönlichkeit und all ihri Vorliebe für de Lette und Flohmis füre, aber für de Moment isch sie NUME ide Lernphase.

Anna (21) studiert Psychologie und Germanistik, ihre Kafi macht si am liebste selber ide Mokka, amigs gaht si gern eis go zieh und im Usgang trifft me si au ab und zue mal, si liebt koche und eigentlich au anderi z bekoche, theoretisch, wenn sie viel zit und musse het.

Nadia (24) studiert Erziehigswüssenschaft, isch euses resident Pflanze-Mami, gnüsst gern Sunneuntergäng und Spaziergäng, am liebste luegt si Dokus über christian fundamentalism, und si hassts, wenn Lüt pfiffed (don’t you dare! lol)

Zeme gömmer gern an Flohmis und mer hoffed uf jedem Spaziergang uf lässigi Sache uf de Strass, wo mer chönd ide Wohnig bruche (oder au nöd). De Lette rüeft eusi Näme, sobald d Sunne dusse isch und mir gnüssed au di gmüetliche Abig, wo mer chli öpis für eus mached.

Mir freued eus, vo dir zghöre! <3