Zur Wohnig:


Mir hei e schöni 4.5 Zimmerwohnig inemne Nöibou gad 2 Minute vom Weyerli (Freibad).
Dis Zimmer wär öppe 15 qm mit direktem Ahschluss a dLodga.
E Wöschmaschine u e Tumbler hei mir direkt ir Wohnig, es het im Huus o es Cheuerabteil, e Velo-Cheuer u Parkplätz zum ahmiete, faus du es Outo hättsch. Gad im Huus nebedra heimer no en Aldi, ir Strass si 2 feini Restis u es Gym. Zur Bushautesteu “Weyermannshaus” sis öppe 2-3 Minute, bis zum Bahnhof het me mit Bus oder Velo ca. 10-15 Minute. Für Studis isches o gäbig, wiu mir nume ca. 5 Minute vom VonRoll Areal entfernt si.


Wer mir si:


Olivia, 24i, macht gad en Usbiudig zur Fluglotsin, isch in ihre Freizyt wahnsinnig gnue, sich ufe Triathlon vorzbreite u e grossi Fuessbau-Enthusiastin.
Frankie, 21i, studiert Medizin, chocht gern o mau öpis angers aus Pasta mit Pesto u singt leidenschaftlich ir Duschi.

Mir si en ufgschlossnigi WG, viu für üs ungerwägs aber o gärn mau zämä dahei am chille u vibe, vo Rentneraktivitäte wie puzzle u Musik lose bis zu Usgang.


Mir sueche
e Mitbewohner*in zwüsche 20 u 30i, wo nid gad nume e Zweckswg wott - aber natürlich respektiere mir o d Privatsphäri & üsi Rückzugsorte.
We ds öpis isch, wo di würd interessiere, de schrieb üs gärn e Nachricht mit chli Infos zu dire Person! Mir fröie üs, di kennezlehre.

PS: Dr Michi tüet üs scho uf Mitti März verlah, drum chönt me uf Absprach o scho vorem Mai öpis usmache.