Hey zäme
I bi Corinne, 34, (sie/ihr), ursprünglech us dr Region.
Für mis Studium (Molekularbio) beni vor über 10 Johr uf Bärn züglet und chume jetzt im Mai us bruefleche Gründ zrügg id Region. Drum beni uf dr Suechi nach 1-2 Mitbewohner*inne, je noch dem wies für üs passt (drum esch d Zimmermieti o entweder 460 oder 700). I bringe no zwoi Büsis mit, de Crookie het rächt vell Energie und cha au mol närve, esch aber süsch au voll verschmuust. D Rowena esch eher ruhig und mängisch bitz ufdrähit zum Spiele. Si göhi bedi use. Bi ned sicher wie si uf gschlossnigi Zimmertüre reagiere, müsstemer zäme ev bitz mitne trainiere. Chönnti aber bim Iziehe ou grad afah drmit.
Wönsche mir e gselligi Rundi, womer au mol zäme chochet oder öpis gmeinsams unternimmt oder eif coexistiert.
I bi meistens sportlech, ab und zue liht aber das au uf Iis, weli eif anders ztue ha. Im Winter stohni ufde Ski, mängisch ufm Board. Im Summer/Herbst gohni eich no gärn ga surfe, au wenni kes Naturtalänt bi, machts mer glich Spass! I ha diversi Zimmerpflanze u würd ou gern en Balkongarte alegge. Süsch spieli Klavier u mägnisch chli Gitarre. Lehre gärn Neus oder probieres zumindest gärn us, z.B. Sprache oder Programmiere oder mache öppe die mol es Witerbildigskürsli. Läse/Luege tueni am liebste Fantasy oder öpis über Psychologie. Bin voll de Harry Potter Fan sit chli uf, au wenni mit de transphobe Ussage vo de Rowling so gar nüt cha afah.
Es darf gärn o chli öpis loufe, ab und zue mol e Party, schätze aber au ruhigi Obige, v.a. unger dr Wuche.
Wichtig wär mer, dass mer üs guet verstöhnd, öppe die gliche Vorstellige vom Zämeläbe hend und e gueti Kommunikation. Sösch beni eich rächt offe. Freue mi uf dini Nochricht.

Ps: I bi achte mi uf Gendere, cha aber si, asi no Fähler mache, drum gern eif churz Rückmälde. Uf jede Fall gebimer Müeh. I bi Vegi u isse ab und zue ou vegan. Du darfsch säubstverständlech ässe was du wosch, solangs legal isch :).

I speak English fluently, can get by in French, and have a very basic knowledge of Spanish, Czech, and DSGS. I enjoy learning new languages, so let me know if I can send you the introduction in another language 😉.

Looking forward to meeting you!