Hey Du!

Suechsch e unkomplizierti, soziali u läbhafti WG mitts in Bärn und gniessisch ds zämeläbe wie o diner eigene Freiheite?

Dis Zimmer isch häu, het e charmante Fischgrätbode us Holz und isch öppe 4.60m x 5.00 Meter (23m2). Es steit uf dr ruhige Quartiersite und isch im oberste Stock. Dr räscht vor Wohnig het 2 Badzimmer und es grosses Wohnzimmer mit gnue Platz um o mau diner Kollege chönne mitznäh. Egau ob Fiumabe vorem Beamer, Znachtässe oder zäme i Usgang (für ds heimer immer e voue Bierchüeuschrank 😉). Zuesätzlich heimer no e Gallerie equipped mit Matratze, faus mau öpper wett cho übernachte.

Mir sueche:

E offeni, unkomplizierti Person wo sech am zämeläbe tuet beteilige und o gärn mau chlei ufe putz hout, trotzdem aber o chli Verantwortig cha übernäh

Mir si:

Michu: 26gi, büglet als Designer und tuet näbebii gärn Vinyl-Sammle u Fotografiere

Äxu: 26gi, macht Master in Biomedical Engineering, macht regumässig Sport

Simu: 26gi, büglet aus Stromer und zockt näbebii gärn (Dr Simu geit ab August id USA und isch ab denn nüm ume)

Mir göh gärn o mau zäme a Technoraves, im Summer simer o vieu am Aareböötle und verusse am t Sunne gniesse. Si o gärn mau Gastgäber für Kollege/Partys. 

Nüt muess, aues darf, houptsach es vibet, Mäud di doch am Beschte via E-Mail faus de Interesse hesch :)