Hoi du :)

Mir sueched uf de 1. Januar e/n Mitbewohner:in wo eusi WG möcht ergänze! Mir sind dLea (27) dAnnika (28) und dLara (27). Alli am schaffe/teilwis studiere (im technische/soziale/psychologische Berich). Will mir drü grössteteils de Tag dur beschäftiged sind, freuemir eus umso meh, dass mir so es entspannts WG-Lebe hend. Zum zeme esse/choche/schwätze nehmemir eus gern immer wieder Zit. Oft passierts aber eher spontan, da mir doch au regelmässig underwegs sind.

Mir sueched öpper, wo idealerwis WG Erfahrig mitbringt, es längerfristigs Dihai suecht und es agnehms, unkomplizierts Zemelebe zschätze weiss. Mir lueged ufenand und versueched dWG zumne Ort zmache, wo sich alli wohlfühled (au zuekünftigi Zimmerpflanze)! Nichtraucher:inne sind sehr willkomme (da mir euse Balkon nur vo Inne chönd schlüsse).

Wenn dich eusi WG interessiert, denn stell dich doch churz vor und beantwort eus doch folgendi Frage:

Was bringt dich uf Winti?
Was machsch du gern, wenn du mal Zit für dich hesch?

Besichtigunge findet vorussichtlich am 16.10.25 statt. (evt. 20./21.10)

Mir freued eus, dich kennezlerne!