heihei,

Ich bin d Jill (she/her) 21i und bi ufde suechi nacheme/ere Mitbewohner:in für mini Wohnig in Züri.

Ich wünschmer eh cooli, agnehmi und lebhafti WG.

Mir ischs wichtig, dassmer s guet mitenand hend, zemme choche, chille und sache unterneh chönd und mer trotzdem au chli coexiste chan haha. Ich wet dasses für eus beid es dihei sii chan!

Kommunikation im WG Lebe ischmer sehr sehr wichtig, dass kei unnötigi Diskussione entstond.

Ich gahn ih minere Freiziit gern go chlettere, ah Flohmis, go kaffele, unternimm sache mit mine friends oder nap und lueg eh gueti Serie. Ich bin sehr en kommunikative mensch, bruch aber au bitz mini rueh zum chille.

Ich freu mi uf dini Bewerbig! Schriebmer doch gern chli eppis über dich und dini vorstellige.

Beantworte mit gern zudem no die Frage:

- Wenndu nurno 1 Serie für de Rest vo dim Lebe chöntisch luege, welli wärs?

- Wie gseht dis perfekte weekend us?

- Wär isch din lieblingsartist

Schriebmer doch dis Insta oder so no id Bewerbig :)

Ich freu mich vo dir zghöre!

Liebs grüessli