hey du! :)
mir si d'Julia und d'Pätty und mir sueche ufe 1. august e mitbewohner/in für üsi supercooli wohnig im fischermätteli!
s'zimmer isch 14m2 gross, sehr hell mit abesunne und het parkettbode.
die ganz wohnig het 4 zimmer: d'chuchi miteme gschirrspüeler, grosse tiefchüehler und emene chline balkon, s'bad mit fenster und badwanne, und denn no üses härzstück, s'wohnzimmer miteme grössere balkon. sie isch super gläge, de voi isch 30sek und e tankstell öppe 4min entfernt und me isch mit verschiedene öv's i öppe 7min am bhf. mir hei 2 gärte und fast de ganz tag sunne ide wohnig.
mir sueche öpper wo ab allem cha lache, offe und härzlich isch, suberkeit und e ordentlichi wohnig schätzt, gern herr der ringe luegt und nüt gegene spontane rave ih de chuchi het!
nochli zu üs: d julia isch 23i und uh studiert veterinärmedizin ah de Uni Bern. Sie macht mega gern sport, lacht mega oft und härzhaft und isch öppe für alles z'begeistere! wenns neume eh hund oder es büsi ide nöchi het, isch sie die ersti wos geit ga liebkose!
Zu de pätty: chli aber oh hooo! Sie het sones grosses härz, sie chönt dim grossmami konkurrenz mache, kennt jedes meme und liebt chäs über alles (so fest sie hets sogar it coop wärbig gschaft). Sie isch 29i und arbeitet aus pflegefachfrau ar insle.