sZimmer isch 13.8m2 mit grosse Fensterfronte und Morgesunne. Es hed direkte Zugang zum einte Bad wo mit eim Mitbewohner teilt wird.

Mier sueched öpper wosich aktiv am WG-Läbe wött teilnäh, Katze mag und sich nid vorem Putzlappe scheut.

Mir sind Dominik (30), Larissa (29) und Jannes (27). Mir sind alli bruefstätig, dLarissa und de Domi sind teilwiis im Homeoffice zfinde (vorallem gäg Ändi Wuuche..). Dezue chömed Chilli und Mila (2), eusi WG-Katze wo sehr kuschelig und herzig sind, vorallem wenn's dis Ässe wend :) Mier sind alli uufgstellt und freued eus über en Mitbewohner wo nid nur e Zwecks-WG suecht, schätzed aber au sehr eusi Rueh und Privatsphäre. Mier sind durchuus chei Party-WG, dennoch gihds ab und zue mal Gäst, e Filmabig oder es WG-Fäscht. Mier sind allgemein sehr flexibli Lüüt, mit dene mer guet rede chan wenn irgendöppis isch.

Wenn du interessiert bisch, schriib doch es paar Sätz zu dier! Mier freued eus vo dier zghöre :)