Hoii duu

Mir si d Sarah (23i) und d Jana (24i) und sueche für üsi 3er Wg no ei Person. Mir si beidi am studiere (ph und soziali Arbeit).
Mir si ersch sit em Mai i dere Wg. Vo demher isch aues wichtige füre Alltag zwar da aber Dekoration und paar persönlichi Gegeständ fehle no. Da wärs natürlich mega cool, we du ou paar Sache wetsch ufhänke/ahbringe, für das sichs für aui wie es Daheim ahfühlt :)

Mir gniesse es gmeinsams wg-Läbe, wome ou befründet isch. Zämme koche, Spieliäbe oder vlt mau eh Usflug finde mr darum sehr toll und würdes üs ou z dritt wünsche. Üs isch aber ou wichtig, dass aui ihres eigete Lebe hei und me sich ou mau is Zimmer cha zrüggzieh, weme eh Pause brucht. Am Wucheend heimr fasch immer öppis los und treffe üs ou süsch gärn mit Fründ*inne.

Vlt chli üsne Studiegäng gschuldet, isches üs wichtig, eh guete Ustusch zha. Mir si froh, we Sache offe ahgsproche werde. Da mir scho sit paar Monate zämme wohne, hei sich scho paar Sache ihgspielt (z.B Ämtliplan) mir si aber offe für Ahpassige etc.

Schick üs doch eh churze Text über di, we du gärn mit üs wetsch wohne. De würde mr di mau zu üs fürne Wohnigbesichtigung i und fürnes ersts Kennelehre ihlade.

Ps: mir chöi üs z Zämmelebe grundsätzlich mit aune vorstelle, bevorzuge aber eh FLINTA-Person zwüsche 20 und 30.

Liebi Grüess und hoffentlich bis glii
Sarah und Jana