Für unsere 4er-WG im Herzen von Luzern suchen wir ab Januar ein neues, geselliges Mitglied. Unsere kleine, aber feine WG liegt super zentral, direkt neben der LUKB. In nur 5 Minuten bist du am Bahnhof, am See oder mit uns in einer Bar.
Wir suchen jemanden, der gerne abends mal zusammensitzt, bei unseren legendären Küchenboden-Talks dabei ist oder sich einem Beerpong-Duell stellt.
Trotz unserer lustigen gemeinsamen Zeit ist uns wichtig, dass man sich ohne schlechtes Gewissen jederzeit zurückziehen kann. Die perfekte Bal(l)ance eben.

Damit du weißt, worauf du dich einlässt, haben wir uns gegenseitig kurz beschrieben:
Über Nils, von Shayenne:
Sternzeichen: 1 Kilo Pasta & Pesto, mit minum ,,wundervollu\`\` Basler-Dialäkt labbre ich nur all zu gern alli voll, also bestimmt eu dich. Bi mir muesh am beschtu beidi Füess hoch hebe, denn flache Humor checki immer ersch 5 Minute später. Mit minem ihfühlsame und ufgweckte Charakter chamme gar ned lang schlechti Lune näbe mir ha. Möchtish mer es Kompliment mache? Denn säg mer doch das ich viel zu cool bin für en Informatiker, denn das bini definitiv!

Über Shayenne, von Jess:
Bish du e sprochtalent? Denn bish bi üs absolut richtig. Da wirsh nämlich bruche chöne, wennt probiere willsh, de wunderschöni walliser dialekt vo üsere liebe Shayenne zverstoh. Sobald da aber mol gmeisteret hesh, chash di uf was gfasst mache. Egal obs wild in usgang go ish, ein witz nochem andere riese oder au eif e gueti ziet ha, si ish tFrau defür, üsen Stimmigsmacher. Wenn si aber je mit dir tequila trinke will, seg nei. Du weish nöd, i wa di ineritish. Sie ish aber au für meh zha; wennt je en liebevolle aber ehrliche rotschalg bruchsh oder au eifach dis herz usshütte willsh, chash da bi ihre immer. Usserdem nappt si wie en weltmeister, egal um weli ziet, egal wo, also dörfsh nöd verwunderet si, wennt am nomi plötzlich mol e verschlofeni Shayenne atriffsh.

Über Jess, von Nils:
Nachdem du beidi text vorher duregläse hesch, muessi di leider enttüsche dass d jessica us st. Galle chunnt. Nid nur ihre dialäkt, sondern au d flachwitz muess me zweimol überdenke. Aber genau das macht sie so einzigartig! Ihri charmanti, dynamischi art und ihre herzerfrüschende humor möche jedi unterhaltig zumene erlebnis. Ihri energie isch echt ahsteckend. Sigs bim sport mache oder bim früsche iisbad im see, sie chame für jedi neui idee begeistere. Leider hets nonig so klappt sie züberzüüge au mol mitere gable zässe. Sie iist würklich alles mit em löffel... Jetzt weisch scho wer se ufbrucht het wenns kei suberi me het.

Wenn du dir vorstellen kannst, Teil unserer WG zu werden, Lust hast, mit Jess ins Gym zu gehen, mit Nils zusammen fremde Leute mit Chicken Nuggets füttern oder mit Shayenne ein Tattoo stechen zu lassen, dann melde dich doch bei uns.
Schreib uns kurz etwas über dich und dann freuen wir uns dich kennenzulernen:)