Wohnung befristet – Ende Januar bis Juli, flexibel je nach Vereinbarung

Zimmer:
Isch ca. 12m^2 (also 10m^2 plus grad aschlüssend de begehbari Chleiderschrank) es isch möbliert & hed Blick ufs Bundehus:)

Wohnig:
Eusi Wohnig liit zwüsche de Tramstation Wander und Schönegg, also so 7min mitem Tram zum Bahnhof Bern. Mier wohned im 4. Stock und hend kei Lift. Eusi Wohnig hed en Chuchi mit Abwäschmaschine, aber keis zuesätzlichs Wohnzimmer & kein Balkon. Defür mümmer nur 10 Minute laufe und sind direkt bim Marzili.

Wir sind:
Fabienne, 23i, studiere Zahnmedizin & Livia, 23i, studiere Humanmedizin und sind beidi im 5.Studiejahr. I eusere Freiziit mached mier sehr gern Sport und gönd is Fitness und ab und zue go jogge. Mier dünd au praktisch jede Abig zeme choche und verbringed beid gern Ziit mit Fründe. Im Winter fahred mier beid gern Ski.

Eusi Mitbewohnerin, d Fiona, gad für es Ustuschsemester vode PH uf Dänemark und vermietet eres WG-Zimmer. Je nachdem wenns guet passt, bestad au d Möglichkeit nachem Summer 26 wiiterhin unbefristet ide WG z blibe, wenn d Fabienne fertig mitem Studium isch.

Eus isch es sehr wichtig, dass mer kei Zwecks-WG sind, sondern au gern zeme choched und sache unternehmed. Natürli hemmer au eifach mal gern biz ziit für eus allei. Mier freued eus dich kennezlerne, wenn du ähnlichi Interesse und Vorstellige vom WG-Lebe hesch:)