sZimmer isch 13.8m2 mit grosse Fensterfronte und Morgesunne. Es hed direkte Zugang zum einte vo zwei Badzimmer wo mit eim Mitbewohner teilt wird. D Wohnig sälber isch sehr gross, hell und hät mit diverse Balkön e super sicht uf de Eulachpark.
Bim Grundriss ischs sZimmer-Nr. 4.

Mier sueched per sofort, öpper wo sich gern am WG-Läbe beteiliget, Katze mag und sich nid vorem Putzlappe scheut.

Mir sind Dominik (30), Larissa (29) und Jannes (27). Mir sind alli bruefstätig, dLarissa und de Domi sind teilwiis im Homeoffice zfinde (vorallem gäg Ändi Wuuche..). Dezue chömed Chilli und Mila (2), eusi WG-Katze wo sehr verschmuust und herzig sind, vorallem wenn's dis Ässe wend :) Mier sind alli uufgstellt und freued eus über en Mitbewohner wo nöd nur e Zwecks-WG suecht, schätzed aber au sehr eusi Rueh und Privatsphäre. Mier sind kei Party-WG, händ aber trotzdem ab und zue mal Gäst, e Filmabig oder es WG-Fäscht. Mier sind allgemein sehr flexibli Lüüt, mit dene mer guet rede chan wenn irgendöppis isch.

Wenn du interessiert bisch, schriib doch es paar Sätz zu dier! Mier freued eus vo dier zghöre :)