D WG-Dotal isch uf de Suechi nach eme nüe Familiemitglied!
Üse liebi "Familievater" hed wägen Job üsi WG müesse verlah. Drum suechid mier öber, wo wieder Läbe ii das möbilierte, ca 16m2 grosse Zimmer bringt. D Wohnig isch mit em Bus ii knapp 10min vom Bahnhof erreichbar. Üses bescheidne Deheime isch uf 2 Stöck verteilt und 2 Badzimmer möchid s WG-Läbe eifacher.

Zude WG-Familie ghörid die drü folgende Mitglieder:
d’Petra, 26, studiert Sprachlichi Integration und isch liideschaftlichi Fuessballerin und Kaffitrinkerin
d’Natascha, 23, studiert Pfleg und isch en sportlichi Frohnatur, wo gärn die ganz Fuessball- und WG-Familie mit Ässe und Pflästerli versorgt
d’Sarah, 21, HST-Studäntin, üses WG-Kücken, wo sehr schnell gross wird und sehr gärn dued bache

Mier mached öbe die öbis mitenand, vomene chline oder grosse Lachflash am Abig bis zumene Escaperoom-Abentüür isch alles debii.

Öb männli oder wiibli intressiert üs ned, d’Hauptsach isch du passisch zu üs!
Am Vermieter isch zuesätzlich no wichtig, dass du Studänt:in bisch und d WOKO-Kriterie erfüllsch.

Mier freuid üs dich kännezlehre und sind überglücklich, wenn üsi WG wieder Dotal komplett isch!