D WG-Dotal isch uf de Suechi nach eme neue Familiemitglied ab em 1.6.2026 oder nach veribarig!
Mir sueched öper, wo wieder Läbe is möbilierte, ca. 16m2 grosse Zimmer bringt. D Wohnig isch mit em Bus i knapp 10min vom Bahnhof erreichbar. Üses bescheidne Dihei isch uf 2 Stöck verteilt und 2 Badzimmer mached s WG-Läbe eifacher. Zudem hend mir en grosse Balkon, sowie Zuegang zumne grosse Grupperuum, eme Musikzimmer, eme Werkrum und eme Velorümli. S Zimmer chostet 600 Fr. im Monet, plus maximal 200 Fr. Nebechoste im Jahr.

Zude WG-Familie ghöred die drü folgende Mitglieder:
d’Sarah, 23 Ergo-Studäntin, chocht und bacht gern, isch am Musik mache (im Musikruum) oder uf eme Spaziergängli.
d'Kim, 21 HST-Studäntin, spielt Fuessball und isch Trainerin, macht Theather, macht allgemein gern Sport und isch e Plaudertäsche.
d’Riana, 21 Ergo-Studäntin, isch sehr vielsiitig interessiert, liebt Musik, isch gern kreativ, lernt Sprache und goht is Gym.

Mier mached öpe die öpis mitenand, vomne gmüetliche Znacht bis zumene Usflügli id Stadt isch alles debi.

Öb männli oder wiibli intressiert üs nöd, d’Hauptsach isch du passisch zu üs!
Am Vermieter isch zuesätzlich no wichtig, dass du Studänt:in bisch und d WOKO-Kriterie erfüllsch.

Mier freued üs dich kännezlerne und sind überglücklich, wenn üsi WG wieder Dotal komplett isch!