D WG-Dotal isch uf de Suechi nach eme neue Familiemitglied ab em 1.2.2026!
Mir sueched öber, wo wieder Läbe is möbilierte, ca. 16m2 grosse Zimmer bringt. D Wohnig isch mit em Bus ii knapp 10min vom Bahnhof erreichbar. Üses bescheidne Deheime isch uf 2 Stöck verteilt und 2 Badzimmer mached s WG-Läbe eifacher. Zudem hend mir e grosse Balkon, sowie Zuegang zumne grosse Grupperuum, eme Musikzimmer, eme Werkrum und eme Velorümli.

Zude WG-Familie ghöred die drü folgende Mitglieder:
d’Sarah, 23 Ergo-Studäntin, kocht und backt gern, isch am Musik mache (im Musikruum) oder uf eme Spaziergängli.
d'Kim, 21 HST-Studäntin, spielt Fuessball, macht Theather, macht allgemein gern Sport und isch e Plaudertäsche.
d’Seraina, 19 studiert Medie und Kommunikation, isch am Babysitte oder viel am trinke, aber selte Wasser (kei Angst: meistens au kei Alkohol)

Mier mached öpe die öpis mitenand, vomene chline oder grosse Lachflash am Abig bis zumene Usflügli an Wiehnachtsmärt isch alles debi.

Öb männli oder wiibli intressiert üs nöd, d’Hauptsach isch du passisch zu üs!
Am Vermieter isch zuesätzlich no wichtig, dass du Studänt:in bisch und d WOKO-Kriterie erfüllsch.

Mier freued üs dich kännezlehre und sind überglücklich, wenn üsi WG wieder Dotal komplett isch!