Hoi zeme, ich heisse Natanel, bin 23i und wohne sit Endi Februar inere grosse 4-Zimmerwohnig in Wollishofe, grad nebed de Rote Fabrik.
Ich sueche ab sofort 2 bruefstätigi Mitbewohner:inne (20-26 jährig), wo mit mir die Wohnig teile und gstalte wennd.

D Wohnig han ich nur mit em Nötigste usgrüstet. Einiges han ich gschenkt becho, anderes han ich selber kauft wie z.B. die neu Wöschmaschine.
De Untermietvertrag wird über d Immobiliefirma laufe, ich wird mini Usgabe nöd mit de Mieti verrechne und ich verdiene nöd a euch.

Ich chan nur Bewerber berücksichtige, wo sich a de Chöste beteiliget, längerfristig bliibe wennd und folgendi Vorussetzige erfülled:
\- kei Zweck-WG
\- Depot vo je CHF 880
\- Je CHF 850.- (WM und de Aschluss + Grundusstattig; alli Rechnige chönnd bi de Besichtigung vorgleit werde) (monatlichi Abzahlig gaht au oder ihr bringet öppis im Gegewert id WG i)
\- Betriibigsuszug
\- Privathaftpflichtversicherig

Die zwei Zimmer sind jewils inkl. NK zha für
\- Ca.12,5m² (2.5x5m) für
CHF 486.-

\- Ca.13m² (3.6x3.6m) für
CHF 493.-


D Wohnig isch alt, aber es het überall neue Laminatbode geh und es isch frisch gstriche worde.

Suschtigi Usstattig:
\- eigene Huusigang mit grossem, überdachtem Vorplatz
\- Chuchi mit Glaskeramikherd
\- Badzimmer
\- Wöschmaschine im Badzimmer
\- grossi Stube
\- grossi Terrasse
\- Abstellruum
\- gschlosseni Veranda

D Lag isch super und alles isch schnell erreichbar:
\- See 320m
\- Bushaltestell 140m
\- Aldi 160m
\- Spar Express 220m
\- Bhf. Wollishofen 500m
\- Migros 700m

Tagsdure bis am spötere Abig isch es eher lut vo de Strass her. Es isch also nüt für öpert wo gern sini Ruhe het.

Ich schaffe als kaufmännische Agstellte und bi wegem Job uf Züri zoge.
Mich treffed ihr regelmässig im Gym a. Ich spiele au gern Tischtennis, Badminton oder bin für en Fuessballmatch zha.

Ich choche öfters selber und sueche zwei Mitbewohner:inne mit dene ich das chan teile. Es söll kei Zweck-WG si, aber trotzdem unkompliziert ablaufe. Ab und zue zeme esse, in Usgang gah, öppis unterneh oder eifach zeme hänge, so stell ich mir euses WG Lebe vor.
Aber jede söll natürlich au selber öpis für sich chöne mache oder für sich si.

Ihr söttet au ä gwüsses Grad a Ordnig und Hygiene mitbringe. Ussert de allgemein bekannte Hygieneregle ghört für mich es Schueabzieh bim Heicho dezue. Ihr müend aber suscht kei Ordnigsfanatiker si.

Wenn ihr Interesse hend, denn schriibed öppis über euch, ich freu mich!
Gruess Natanel