Hoi zäme
I üsere 4-er WG im schöne Bruchquartier wird ab ändi Juli es Zimmer frei. En tolli Altbau Wohnig met vell Charme und Platz.

Zom Zimmer:
S‘Zimmer esch 18.2m, met zwoi lärmdichte grosse Fänster ond tollem Bode - perfekt zom sech wohlfühle. D‘Mieti esch 920.-/Monet inklusiv Nebechoste, Internet, TV und en Putzchraft fürd Gmeinschaftsrüüm.

D‘Wohnig:
Super zentral gläge, schnell am Bahnhof, vell nöchi Ichaufsmöglechkeite, Bars, Kaffis und d‘Öv. D‘Wohnig esch recht gross, met gmeinsamer Chochi, Stobe und 2 Badzimmer. Es härzigs Gärtli met Tisch und Stüehl zum doss chille heds ebefalls.

Öber üs:
Du wörsch zämmewohne met de Jenny (29,Lehrerin), Federico (29, selbstständig, Camperausbau) ond Lynn (26, Tierärztin). Mer send alli bruefstätig, schätzed es agnähms Mittenand, gueti Gspröch ide Chochi ond ab ond zue au üsi Rueh. Mer sueched öper wo ned nor es Zimmer, sondern au es stöckli Dihei suecht.

Zu dir:
Du bisch ca zwösche 24i und 35i, offe, onkompliziert und möchtisch au gärn es respektvolls Zämmeläbe.

Wenn lost hesch zom mol verbicho, schrieb üs doch paar Sätz zu der, was du so i dim Läbe tuesch und was du der förs WG-Läbe wönschisch. Mer freued üs vo der zghöre und dech kennezlehre.

Jenny, Fedi und Lynn