Mir hei e schöni 4.5 Zimmerwohnig inemne Nöibou gad 2 Minute vom Weyerli (Freibad).
Dis Zimmer wär öppe 17 qm mit emne eigete bad, wo o üsi wöschmaschine u e Tumbler dinne stöh. Es het im Huus es Cheuerabteil, e Velo-Cheuer u Parkplätz zum ahmiete, faus du es Outo hättsch. Gad im Huus nebedra heimer no en Aldi, ir Strass si 2 feini Restis u es Gym. Zur Bushautesteu “Weyermannshaus” sis öppe 2 Minute, bis zum Bahnhof het me mit Bus oder Velo ca. 10-15 Minute. Für Studis isches o gäbig, wiu mir nume ca. 5 Minute vom VonRoll Areal entfernt si.


Wer mir si:

Paula, 25i, studiert Psychologie, macht gern Sport, e gmüetliche serieabe oder es fübi ir stadt.
Frankie, 23i, studiert Medizin, chocht gern u singt leidenschaftlich ir Duschi.

Mir si en ufgschlossnigi WG, viu für üs ungerwägs aber o gärn mau zämä dahei am chille u vibe, vo Rentneraktivitäte wie fiumabe u Musik lose bis zu Usgang.

Mir sueche e Mitbewohner*in zwüsche 20 u 30i, wo nid gad nume e Zweckswg wott - aber natürlich respektiere mir o d Privatsphäri & üsi Rückzugsorte.
We ds öpis isch, wo di würd interessiere, de schrieb üs gärn e Nachricht mit chli Infos zu dire Person! Mir fröie üs, di kennezlehre