Mer sueched en Mitbewohner:in für üsi neui WG zmetzt die Neustadt. Mer verbringed sehr gern Zit metenand ide WG und au söscht ide Freizit und wörded üs freue wenn du offe bisch, s eint oder andere zäme ide WG zmache.

Mer send d'Anna (23) und d'Steffi (22) ond studiered aktuell no in Bern, wo mer au zäme inere 3er-WG wohned. D Anna schliesst gli ihre Master in Psychologie ab und fod denn es Praktikum im LUPS ah. D Steffi werd abem September ihre Master in VWL in Zöri afoh. Ih üsere Freizit gömer gern ih See go bade, send ab & zue ide Berge am Ski fahre oder wandere und treffed üs vell met Frönde.

Dis zuekünftige Zimmer (800.-/Monet inkl. NK) esch 14.5m2 gross ond liid inere charmante Altbouwohnig im 5. Stock (met Left).
D Wohnig hed es Wohnzimmer, getrennts Bad ond WC, en moderni Chochi, met Gschirrspüeler ond eigeter Wöschmaschine sowie 2 chlini Balkön (eine gäge Innehof, eine gäge s Vögeligärtli).
D Wohnig esch sehr zentral gläge: 5 min z'Fuess zom Bahnhof Lozärn, met vell Ichaufsmöglechkeite, Bars ond Kafis.
Wel mer au erst im Juli iziehnd, esch d Wohnig no grössteteils onmöbliert. Das bietet d Möglechkeit au be de irechtig chönne metzrede.