Halloooo Duuuuu
Mir sind zwische 25-30 Johr alt. Vom Bruef her sind mir e bunte Huufe vo Arbeitsagogin zu Sozialpädagogin, Lokiführer und Dipl. Pflegefachfrau.
Eusi Villa Laubibunt beeinhaltet e grosse Keller inkl. Wöschkuchi und Naturkeller, e Estrich, e offeni Kuchi mit grosser Stube und e Garte inkl. Gmüesbeetli und kleine Füürstell. Dr Garte sowie s Huus wird vo eus allne regelmässig putzt und Unterhalte.
Nebe euse eigene Fächli hend mir ir Kuchi au gmeinsami sache wo mir eus teile wie z.B. Nüdele, Riis, Gwürz und Öl ect.
Obwohl mir euse eigene Rhytmus hend, treffe mir eus immer wiedermol und esse euses eigene kochte oder teile euses esse mitenand.

Falls mir diis Intresse gweckt hend, du offe und ordendlich bisch und dich gern in eusi WG möchtisch ibringe, freue mir eus riisig vo dir z ghöre. Gern au biz was zu dir als Person.

Mir freue eus :)
Villa Laubibunt