heyhey 😊

i bi d Nina, 21gi, und vermiete per sofort oder nach Verihbarig ds zwöite Schlafzimmer i mire gmüetleche 3-Zimmerwohnig ar Laubeggstrasse 61 in 3006 Bern im Obstbergquartier.
Ds Zimmer isch 15 m² gross, d Wohnig insgesamt 75 m². Es isch e Altbau mit Fischgrätparkett i allne Zimmer, grosse Fänschter und höche Deckene.

I sueche öpper für längerfristig (mind. 1 Jahr +).

*Zu mir:*
I bi e gselligi und offeni Person, verbringe gärn Ziit mit mine Fründe (si chöme ou ab und zue verbii, ds sött di nid störe). I mache viel Sport und schaffe momentan 100% ir Immobilienbranche, gah aber im Herbst ad PH. Ih bi immer fürne sidequest oder es chlises abentüür z ha💃🏽
I bi e person wo fr sehr vieles z begeistere isch

*Wichtig im Zämelebe:*
Hygiene isch mir wichtig (Gschirr nid mega lang la ume stah uso) und i findes wichtig, dsme 1x pro Wuche zäme putzt (oder mit Ämtli). Sache direkt und offe aspreche und flexibel Lösige finde schetzeni oh sehr.

*Was i mir wünsche:*
Äs fründlechs, familiärs WG-Läbe – nid nur e Zweck-WG. Schön wär, wenn mä ab und zue Ziit zäme verbringt zum Bispiu bimene Brunch odr so, aber jede ou sis eigets Läbe het. I sueche öpper, wo fix in Bern wott wohne und nid jedes Wuchenend bi de Eltere deheim isch. I wünschemer öpper wo es lustigs und lockers zämeläbe gärn hett:)
Zudem sött Antidiskriminierig, Solidarität und e gwüsse Nachhaltigkeitsgedanke chli zu dim common sense ghöre süsch simer äue chli z verschide.

*Guet z wüsse:*
D Wohnig isch ringhörig, du söttsch also ke sehr liechte Schlaaf ha. Mä ghört d Nachbare. Dä obe dranne isch säute mägisch chli luut aber ds dörfe mer dr Vermieterin mäude de wirder abgmahnt.
D Chuchi het kei Gschirrspüeler.

I bi säuber ersch sit 2 Monet i dere wohnig und no am Ihriichte – i bi total offe für dini Idee 😊

Wennd dänksch ds das öppis fr di chönnt si, de schrib mer doch churz wer du so bisch, was du so machsch im läbe und was du dir vo dere WG würdsch vorsteue