Hey du
Mir sind 3 Mitbewohnerinnen und Mitbewohner zwüsche 25 und 30 und sueched es vierts neus WG Gspänli, wo nöd nume es Zimmer, sondern au s Zämälebe wott.

Bi eus lauft vieles spontan: mal zeme chille, es Glas Wi oder Bierli trinke, philosophiere i de Chuchi oder plötzlich es Game Night starte. Jede het aber au sini Privatsphäre, wenn mer mol meh Ziit für sich brucht.

Was mir schätzed:


* gueti Vibes und Humor
* Rücksicht und Sauberkeit
* Zueverlässigkeit
* und öpper, wo au mol öppis ahriisst zum unterneh

S Zimmer isch näbedem Bahnhof Altstette, mega guet vernetzt mit top ÖV Anschluss. Perfekt, wenn du schnäll i d Stadt wotsch oder lieber bim Werdinseli chillisch.

Wenn du Luscht hesch uf es offes, gmüetlichs und respektvolls WG Läbe, denn schrib eus gern und verzell eus öpis über dich.

Liebi Grüess
Janik, Michaela und Lumy