Ich bin d Anna (24i) und sueche abem September für mini sunnigi 2er-WG e Mitbewohnerin 🌞🍜🥂

Zude Wohnig 🏡
- 3-Zimmer-Wohnig, ca. 75 m², im 4. Stock mit Lift
- Moderni Chuchi und moderns Bad mit Wöschturm (Wöschmaschine und Tumbler) und Badwanne
- Lange, sunnige Balkon mit gmüetliche Sessel
- Helli Zimmer mit Parkett
- Super Lag: Bim Locherguet, mit ÖV, Restis, Bars, Bäckereie etc. grad um de Egge

Dis Zimmer 🛏️
- ca. 13 m² mit Morgesunne und grossem Fenster
- Unmöbliert
- Mietpriis: 1'300.-/Monet
- Um Strom, Internet, Serafe kümmere ich mich :)

Zu mier 🙆🏼‍♀️🧚🏼
- Ich studiere BWL mit Soziologie im Nebefach, fange im September mitem Master ah und schaffe 40% inere Consultingfirma
- Es Dihei isch für mich en Ort, wo mer sich cha wohlfühle, sich nöd muss verstelle und fürenand da isch, sich aber au ohni schlechts Gwüsse cha zruggzieh zum eifach chli d Rueh gnüsse – aber au mal ufem Balkon zäme Drinkies macht und über Uni-Drama und s Lebe rede cha oder mers sich ufem Sofa gmüetlich macht für e Movie Night
- Ich sueche e Mitbewohnerin (ca. 23-27), wo au grad studiert und/oder schaffed und für die e "Zwecks-WG" au nacheme Albtraum tönt

Bezug 📆
- Abem September mit Bezug z. B. am letzte August-Weekend
- Besichtigunge ab Ahfang August nach Verihbarig, will ich grad no ide Ferie bin🌞

Interesse ? 💌
Schriib mer gern wer du bisch, was dich usmacht und was dir so wichtig isch im Lebe. Ich freumi scho, dich kennezlerne🤗