Hoi du :)

Bisch du e Studentin uf de suechi nachere coole WG und neue Friends in Winti? Denn passisch du vilicht i üsi 8er WG ide Altstadt. Ich sueche e Untermieterin für mis Zimmer vo Oktober 25 bis Februar 26 will ich denn es Ustuschsemester mache.

Mir sind:
Lina, 24i, Soziale Arbeit
Daan, 24i, Physiotherapie
Nick, 23i, Gärtner
Annatina, 24i, Kommunikation
Bas, 25i, Politikwissenschaften
Livia, 23i, Physiotherapie
Lucas, 20i, Philosophie

Wenn bi üs izie wettsch müesstisch du dWOKO-Kriterie erfülle, stuberein sii und debii sii zum au mal eis go trinke. :) Mir sind nämlich nid nur Mitbewohner:inne, sondern au Fründ:inne. Us demm Grund bisch du bi üs falsch wenn ä Zwecks-WG suechsch.

Diis Zimmer isch 18 m2 gross und choschted pro Monet 686.00 Franke inklusive Näbechoschte. Verfüegbar ischs Zimmer ab Mitti September, spötischtens ab Oktober. Es isch vollständig möbliert mit Bett, Pult, Schrank, Kommode, Spiegel, etc. Bilder vom Zimmer folged no. D Stube und d Chuchi teilemer üs alli.

De Bahnhof isch vo üs i 10 Minute und die nächschti Bushaltestell i 2 Minute z erreiche. Zum go poschte muesch nur is Erdgschoss will d Migros grad im gliiche Gebäude isch.

Wenn du dir das chönntisch vorstelle, denn schriib üs doch en churze Text wer du bisch und wenn du chönntisch verbii cho.

Mier freued üs uf di